Historia

Hazkuntza indartsua


CD Bidasoa mahai-zapi batean sortu zen 1962an. Lehenengo presidente José Miguel Aranak hitz eman zuen Irunen eskubaloiko klub bat sortuko zuela baldin eta bere lagunek, zeintzuk zailtasunak zituen Donostiako talde batean jokatzen zuten, konpromisoa hartzen bazuten ibaiaren izena izango zuen talde irundarrean jokatuko zutela. Esan eta egin: uda hartan, klubeko gazte-mailakoek Donostiako Konstituzio plazan jokatu zuten klubaren historiako lehenengo partida ofiziala.

Fundatu eta bost urtera, CD Bidasoak Lehen Maila Nazionalera igotzea lortu zuen, eta 1969/1970 denboraldiaren ondoren, Ohorezko Mailara igotzea lortu zuen lehen aldiz. Zortzi urte nahikoak izan ziren, estatuko eskubaloiko maila gorenera igotzeko. la temporada 1969/1970, consiguió el primer ascenso a la División de Honor. Ocho años habían sido suficientes para alcanzar la máxima categoría del balonmano estatal.

1975/1976 denboraldiko jaitsierak –Juantxo Villarrealek lehenengo denboraldia zuen entrenatzaile gisa– ez zuen bidea aldatu, eta zuzendaritza-batzordeak erabaki zuen entrenatzailea mantentzea; hurrengo urtean lortuko zuen berriz igotzea. Eta CD Bidasoak 30 urtetan jarraitu zuen Ohorezko Mailan edo Asobal Ligan.

Artalekuren estreinaldia


Uranzu pilotaleku mitikoa –ez zuen teilaturik izan 70eko hamarkadaren erdialdera arte– zaharkitua geratu zen. CD Bidasoa klubeko lehen taldea bezalako maila goreneko talde batek, ordurako jokatua baitzuen Errege Kopako bere lehenengo finala, irtenbide bat behar zuen, eta Artalekun aurkitu zuen, 1987ko urtarrilean estreinatu zen kiroldegian.

Talde hura, Elgorriaga txokolate-enpresaren babesean lortu baitzituen beren lehenengo arrakastak, FC Barcelona taldearekin borrokatzen zen Liga bat irabazteko. Bartzelonan erabaki zen, Irungo partida amaitua zelarik. Artaleku estreinatu berria jai handi bat izan zen Juantxo Villarrealek entrenatu zuen plantilla haren egitandia ospatzeko. 12 jokalari gipuzkoar eta Mladen Lakovic eta Caslav Grubic jugoslaviarrak izan ziren taldean.

Arrakasta handiak lortu ziren hamarkadan


Homenaje de despedida a Juantxo Villareal en 1997 tras 22 años como entrenador del primer equipo. 90eko hasiera izan zen klub bidasoarraren aro nagusia, orduan zazpi titulu gehiago gehitu baitzituen bere palmaresera. Garrantzitsuena, Europako Kopakoa edo 1994/1995 denboraldiko Txapeldunen Ligakoa, Artalekun gogoratzen diren partidari magikoenetako batean Badel Zagreb taldeari irabazi ondoren, finaleko joaneko partidari zegokiona: atsedeneko 12-12tik amaierako 30-20ra.

Artalekun II. Europako Superkopa antolatu zenean, orduantxe irten zen aulki bidasoarretik Juantxo Villarreal, 1996/1997 kanpainan Europako Errekopa irabazi eta 20 urte geroago. Etapa berri bat zetorren.

Egonkortasun bila


Titulu haien distiratik urrun, CD Bidasoak hamar urte gehiago jokatu zuen Asobal Ligan, Ligako finaleko faseetarako sailkatu izan zen, eta finalerdietara iritsi zen EHF Kopan, Magdeburgoren aurka, eta 23-17 irabazi zion Artalekun, baina ez zen nahikoa izan joaneko 32-24 emaitza gainditzeko. Bidasoa Irun final laurdenetan kanporatuta geratu zen EHFko hurrengo bi parte-hartzeetan (2005/2006 eta 2006/2007), Zilarrezko Ohorezko Mailara jaitsi bezperan.

Lau urte geroago, Fernando Herrerok zuzentzen zuen taldeak partida dramatiko bat salbatu zuen, Artalekun Lehenengo Nazionalera ez jaistearren, kantxan berea egin ondoren. Fernando Bolea aulkian zela, talde gipuzkoarra maiz ibili zen igotzeko play-off-etan, azkenekoa 2015/2016 denboraldian, orduan Bidasoa Irun Asobal Ligara itzuli baitzen Artaleku lepo beteta zegoela.

Hurrengo urteetan hamargarren eta bederatzigarren egin ondoren, taldeak, Jacobo Cuetararen eskutik, beste jauzi bat egin zuen 2018/2019 denboraldian: Asobal Kopara itzuli zen, azkeneko alditik 21 urte igaro ondoren. Europako lehiaketarako sailkatu zen 12 urte geroago, eta berriz ere txapeldunorde geratu zen Asobal Ligan, 25 urte geroago.
1-fronton-uranzu-1970-bidasoa

Talde honek bi hamarkada baino gehiagoan Uranzu frontoian jokatu zituen (1970) etxeko partidak.

2-copa-rey-1991

Bogdan Wenta, Beñardo García eta Alfred Gislasson, 90/91 denboraldiko Errege Kopa irabazita.

3-ausburgo

Europako Errekopako txapeldunordea Alemaniako finaleko itzulikoa jokatu aurretik (1991).

4-copa-de-europa-1995

Europako Kopa (1995) da, Badel Zagreb taldeari finalean irabazita, klubaren arrakastarik handiena.

5-recopa-europa-2

Taldea Irungo Udaletxeko balkoitik Europako Errekopa titulua ospatzen (1997).

6-50-aniversario

Garai desberdinetako jokalariek partida bat jokatu zuten klubaren 50. urteurrena ospatzeko (2012)

subcampeon-copa-asobal-2018

Bidasoak 2018/2019 denboraldi bikaina osatu zuen Asobal Liga eta Kopako txapeldunorde titulua lortuta.