Ander Ugartek eskubaloia utziko du denboraldia amaitzerakoan

Bidasoa Irun taldeko Ander Ugarte Cortés (Irun, 1990/02/6) jokalariak 2022/2023 denboraldiaren amaieran eskubaloia utziko duela iragarri du. Irundarra 13 urterekin hasi zen bere hiriko taldean jokatzen, eta ekainean erretiratuko da.

C.D. Bidasoatik Ademar Leonera joan zen 2008ko udan. Reale Ademar Leonekin debutatu zuen maila gorenean Jordi Riberaren aginduetara, gaur egun hautatzailea dena eta Jacobo Cuétara entrenatzaile bidasotarraren laguntzarekin zegoenean. Talde berean egin zuen debuta Txapeldunen Ligan, Antequera, Bidasoa Irun, Bada Huesca, Helvetia Anaitasuna eta Recoletas Atlético Valladoliden jarraitu aurretik.

Ugarte internazionala izan da gazte eta junior mailako Espainiako selekzioekin, 86 partida jokatuta eta 152 gol sartuta. Irundarrak 291 partida bete ditu orain arte Plenitude ASOBAL Ligako hamabi denboraldietan, eta 794 gol sartu ditu (2,73 tanto, bataz beste). Europako txapelketari dagokionez, Bidasoa Iruneko jokalariak EHF Champions League txapelketa jokatu zuen Abanca Ademar Leonekin (2009/2010 eta 2010/2011, bost gol sartuta), eta baita EHF European Leaguen ere Bada Huesca, Helvetia Anaitasuna eta talde bidasotarrarekin, azken honekin 19 partidatan 40 gol sartuta.

Orain, zaleei agur esateko unean, gogorarazi nahi izan du eskubaloiko jokalari gisa egindako etapa hau “oso polita eta garrantzitsua” izan dela. “Kirol honek gaur dudan guztia eman dit. Lagun handiak egin ditut, leku eta herrialde harrigarriak ezagutu ditut eta une eta esperientzia ahaztezinak bizi izan ditut”. Ugartek azaldu duenez, “erronka pertsonal eta laboral berrien garaia da, eta ez dago kapitulu hau ixteko modu hoberik, hemen, nire etxean, nire jendearekin eta hazten ikusi ninduen taldearekin eta hainbeste poz eman dizkidan taldearekin baino”.

Jokalariak eskerrak eman nahi izan dizkie “Bidasoari eta igaro dituen talde guztiei, baita taldekide eta entrenatzaile guztiei eta, batez ere, nire bikotekideari, gurasoei, nire familiari eta lagunei ere, nire laguntza izan baitira bai une onetan bai txarretan”. Ander Ugartek gogorarazi du eskubaloiaz gozatzeko hilabeteak falta zaizkiola oraindik: “Bigarren itzuli zirraragarri bat geratzen da, eta dena emango dugu helburuak lortzeko eta taldea maila gorenera eramaten saiatzeko”.