Bidasoa Irunek irabazi du Euskadi Open Cup Txapelketa Erromoko Eskubaloia taldea mendean hartuta (27-38). Jacobo Cuétararen taldea jaun eta jabe izan da udako bosgarren garaipena lortzeko. Bidasoa Irunek, Gorka Nieto, Eneko Furundarena, Julen Mujika, Julen Urruzola, Asier Iribar, Tao Gey-Enparan eta Xabier Barreto gazteek protagonismoa izan dute lehen taldeko jokalarien faltaren aurrean, eta 2-5eko emaitzarekin ekin diote partidari. Harbaoui Mehdi atezainak partida osoa jokatu du.
Atsedenaldira bost tantoko abantailarekin iritsi dira bidasotarrak (11-16). 2-4ko partzial baten ondoren, Bidasoa Irunek 13-20koa jarri du markagailuan. Tao Gey-Enparanek, sei tanto egin dituena (golegile nagusia), eta Mikel Zabalak aldea handitu dute bigarren zatiko lehen 15 minutuetan bederatzi tantoko aldea lortzeko. Partida erabakita utzita, azken 0-3koak 27-38koa jarri du.
Horrela, Bidasoa Irunek zazpigarren lurralde-titulua jarraian lortu du. Larunbat honetan, Bathco Torrelavegaren aurka, Jacobo Cuetararen taldearen denboraldiaurreko azken partida ospatuko da. Hitzordua Zumaian izango da 20:00etatik aurrera, bi taldeetako filialek euren lagunartekoa jokatu ondoren.
Fitxa teknikoa
27 – Erromoko Eskubaloia (11+16). Lawrukiewicz, Delgado (7, 1 p.), Munteanu (2), Roldan (2), Mendíbil (1), Juárez (1), Valiente (4), Osante, Díez, De Francisco (1), Penacho (3), Jover, Arranz (3), Ortiz, Cañete (2) eta Burzaco (1, 1 p.).
38 – Bidasoa Irun (16+22). Mehdi, Zabala (4), Tao (6), Furundarena (4), Urruzola, Mitic (4), Gorka Nieto (3), Skrzyniarz, Aginagalde (2, 1 p.), Mujika (3), Barreto (5), Iribar (1), Azkue (3, 2 p.), Silva (1), Dariel (2) eta Asier Nieto.
Partzialak. 1-3, 5-6, 5-8, 8-10, 9-13, 11-16; 13-20, 17-23, 18-28, 24-31, 27-35 eta 27-38.
Arbitroak. Dominguez Uriagereka eta Hurtado Elortegui. Francisco da Silva (2) eta Dariel García (Bidasoa Irun) kanporatu dituzte, eta talde bizkaitarraren aldetik Diez, Arranz (2) eta Valiente.
Gorabeherak. Euskadi Open Cupeko finala 300 ikusleren aurrean Getxon, kiroldegia beteta, 50 bat zale bidasotarrekin. Bidasoa Irunek irabazi du aurtengo edizioa.
