Bidasoa Irunek 28-26 hartu du mendean Logroño La Rioja Egiako XXVII. Nazioarteko Txapelketako lehen neurketan. Defentsa eta atezainen protagonismoa nabarmen, lehenengo minutuak golik gabe igaro dira lehen partziala bitartean. Behin atea irekita, errioxarrak izan dira aurretik ibili direnak, behin talde bidasotarrak berdindu eta gainetik jarri den arte 20. minutu inguruan defentsako eta zortzi geldiketa egin dituen Skrzyniarzen lan onari esker.
Aldaketa handirik gabe, bigarren zatia bide beretsutik hasi da, nahiz eta aldaketak izan, tartean, bidasotarren atean, Harbaoui Mehdi protagonista bihurtuz. Kasu honetan gipuzkoarrenak izan dira abantailak, eta errioxarrek berdindu dituzte, baina amaierako bultzadak Donostian bildu diren zaleen animoekin neurketa irundarren poltsikora eraman du (28-26).
Talde gipuzkoarrak, ostegun honetan Thomas Tesoriere gabe, belaunean min hartuta, larunbatean 19:30ean Egiako kiroldegian bertan aurredenboraldiko laugarren neurketa jokatuko du, Nazioarteko Txapelketako azkena José Manuel Sierra atezain ohi bidasotarraren taldearen aurka, Limoges Handball.
Fitxa teknikoa
28 – Bidasoa Irun (12+16). Skrzyniarz, Mujika (2), Rodríguez (1), Mitić (1), Francisco da Silva, García, Gorka Nieto (1); Mehdi, Cavero (4, 2p), Ugarte (2), Zabala (4), Furundarena (1), Aginagalde (1), Salinas (4), Urruzola, Azkue (3, 1p), Asier Nieto (4).
26 – BM. Logroño La Rioja (13+13). Jorge Pérez, El Korchi, Rubiño (3), Diocou (4, 2p), Serradilla (1), Javi Rodríguez (4); Romeo, Clavijo, Rivero (2), Preciado (1), Leo Doménech, Edu Ortiz, Javi García (1), David Cadarso (2), Kisselev (3), Palomino (4), Keita (1).
Partzialak. 0-0, 2-1, 4-6, 7-7, 10-9, 12-13; 15-15, 20-17, 22-19, 23-22, 26-26, 28-26.
Epaileak. Álvarez Mata eta Bustamante López. Bidasoa Irunen aldetik, García eta Furundarena zigortu dituzte bi minutuz, eta errioxarren aldetik, Javi Rodríguez eta Palomino.
Bestelakorik. XXVII. Egiako Nazioarteko Txapelketako lehen neurketa Donostian, kiroldegia bete duten 500 bat zaleren aurrean. Irundarrek txapelketa Limoges 87 Handball-ren aurka itxiko dute larunbatean 19:30ean.
