22/23 aurredenboraldia, hastear

Bidasoa Irun astearte honetan itzuliko da Artalekuko entrenamenduetara, Europako txapelketan laugarren aldiz jarraian, eta Asobal Ligan 25.a izango den eta datorren astean egutegia ezagutuko duen denboraldiari begira. Denboraldiko lehen saioa 18:30ean hasiko da.

Jacobo Cuétara Bidasoako entrenatzaileak jokalari guztiak izango ditu bere aginduetara, nazioarteko txapelketetan parte hartu dutenak izan ezik. Alde batetik, Harbaoui Mehdi atezain frantziar-tunisiarra, uztailean Mediterraneoko Jokoak eta Afrikako Kopa jokatu dituena; eta bestetik, Europako lau txapeldun juniorrak (Eneko Furundarena, Gorka Nieto, Julen Urruzola eta Julen Mujika). Bostak hurrengo astean sartuko dira talde-dinamikan.

Prestakuntza aldi honetan, Cuétararen taldeak sei lagunarteko jokatuko ditu abuztuaren 12tik aurrera, eta Billèrera joan beharko du aurreko denboraldiko bisita itzultzeko. Hurrengo egunean eta antzeko egoeran, Bada Huesca izango dute aurkari Monzónen (Aragoi). Hurrengo astean, Egiako Nazioarteko Txapelketak Bidasoa Irunen estreinaldia hartuko du Gipuzkoako lurretan, eta azken astean, Getxora Euskal Kopako finala jokatzera eta urtarrilean Zumaian Bathco Torrelavegaren aurka bertan behera geratutako konpromisoak itxiko dute lagunartekoen fasea.