Sei neurketa aurredenboraldian

Bidasoa Irunek lagunarteko sei neurketa jokatuko ditu irailaren hasieran ASOBAL Ligako lehen jardunaldiarekin hasiko den denboraldia prestatzeko asmoz. Lehen talde bidasotarra abuztuaren 2an itzuliko da Artalekuko lanera.

Lehen lagunartekoa abuztuaren 12an izango da Billèreko Sporting d ‘Este kiroldegian, non Sergio de la Salud jokalari ohi bidasotarraren taldeak Bidasoa Irun hartuko duen. Billère Handball Pau Pyrenées Frantziako Proligueko bederatzigarren sailkatuaren eta Irungo taldearen arteko norgehiagoka 19:00etan hasiko da.

Hurrengo egunean, Bidasoa Irunek iazko aurredenboraldiko bisita itzuliko dio Bada Huescari, ASOBAL Ligako bederatzigarren sailkatuari. Norgehiagoka Monzóneko Pabellón de los Olímpicos kiroldegian jokatuko da (20:00etan).

Aurten Bidasoa Irunek Gipuzkoan egingo duen aurkezpena Donostian izango da, abuztuaren 18tik 20ra bitartean jokatuko den Egiako Nazioarteko XXVII. Txapelketan. Lehen jardunaldian, Irungo taldeak Logroño La Riojaren aurka jokatuko du (osteguna, abuztuak 18, 19:30ean), eta larunbatean gauza bera egingo du Alberto Entrerriosek eta Jose Manuel Sierra atezain ohi bidasotarrak entrenatzen duten Limoges Handball taldearen aurka.

Azken asteburuan Bidasoa Irun Bizkaia bisitatuko du, eta bertan, abuztuaren 26an, Lehen Nazional Mailako C Multzoko Romo Broker Kirol Eskubaloiaren aurka jokatuko du, Euskal Kopako finalari dagokion neurketan. Talde bizkaitarrak Ereintza Aguaplast hartu zuen mendean 34-29 maiatzeko finalerdietan eta talde bidasotarrak gauza bera egin zuen Il Capo Hondarribia Bidasoarekin (30-52).

Aurreko udan eta neguan hartutako konpromisoek markatutako denboraldi-aurreko egutegi hau Zumaian itxiko da abuztuaren 27an. Asier Iribar bidasotarraren kiroldegian jokatuko da gipuzkoarren eta Bathco Torrelavega iazko Ligako hamaikagarren sailkatuaren eta Adrián Fernández Bidasoa Iruneko jokalari ohia den arteko norgehiagoka.

Neurketen ordutegiak eta behin betiko tokiak datozen asteetan jakinaraziko dira.

Egutegia

• Abuztuak 12, 18:00etan (abuztuak 8 eguneratua). Billère Handball Pau Pyrenées-Bidasoa Irun (Billère).
• Abuztuak 13, 20:00etan. Bada Huesca-Bidasoa Irun (Monzón).
• Abuztuak 18, 19:30ean. Bidasoa Irun-Logroño La Rioja (Egia, Donostia).
• Abuztuak 20, 19:30ean. Bidasoa Irun-Limoges Handball (Egia, Donostia).
• Abuztuak 26. Euskal Kopa. Balonmano Romo Broker Kirol-Bidasoa Irun (Getxo).
• Abuztuak 27. Bidasoa Irun-Bathco Torrelavega (Zumaia).