Zazpi bidasotar Sacyr ASOBAL Ligako Zazpi Idealerako izendatuak

Bidasoa Irun taldeko zazpi kide izendatu dituzte denboraldi honetan Sacyr ASOBAL Ligako Zazpi Idealeko bozketarako. José Manuel Sierra (Atezain Onena), Iñaki Cavero, Kauldi Odriozola (biak Eskuin Hegaleko Onena), Rodrigo Salinas (Eskuin Alboko Onena), Dariel García (Ezker Hegaleko Onena), Matheus Francisco da Silva (Defendatzaile Onena) eta Jacobo Cuétara (Entrenatzaile Onena) dira.

Zazpi izendatuen artean, hiruk badakite zerrenda honetan egotea zer den (Salinas, Odriozola eta Cuétara), eta lau bidasotar sartzen dira estreinekoz: Sierra, García, Cavero eta Francisco da Silva. Bestalde, Odriozolak eta Cuétarak 2018/2019 denboraldian saria irabaztea lortu zuten.

Zazpi izendapenekin, Bidasoa Irunek azken hiru denboraldietan jaso dituen erregistroak gainditu ditu, sei (2019), sei (2020) eta bost hautagairekin (2021), eta hautagai gehien dituen bigarren taldea bihurtu da, Txapeldunen Ligan garaipena lortu berri duen Barçaren ondoren, eta Fraikin BM. Granollersek dituen zazpirekin.

Aurtengo ediziorako ASOBALek aldaketak egin ditu sari hauetan, eta oraingo honetan klub bakoitzeko presidente, entrenatzaile eta kapitainek izan dute bakarrik euren proposamenak bidaltzeko eskubidea.

Klubetako zaleek Zazpi Ideala bozkatu ahal izango dute, Defendatzaile Onena, Jokalari Gazte Onena eta Entrenatzaile Onena ere aukeratuko dituena, ASOBALen webgunean ekainaren 27ra arte irekita egongo den bozketan.

Hemen bozka dezakezu.