Garaipen gozoa Recoletas Atlético Valladoliden aurka (33-26)!

Bidasoa Irunek garaipen sendoa lortu du Recoletas Atlético Valladolid taldea mendean hartu eta gero (33-26). Neurketaren garrantziaz jabeturik, lehen momentutik erritmoa eta gol aldea ezarri dute bidasotarrek behin lehen jokalditako ohiko berdintasuna gaindituta. Horrela, defentsan serio eta erasoan fin, hamargarren minutuko partzialera 8-5 iritsi dira bidasotarrak, kanpokoen lehen hutsartea behartuz. Bueltan, gauzak aldatu baino, norabidea berretsi da, eta Bidasoa Irunek 14-6 jarri da aurretik, gaztelarrek bigarren hutsartea eskatuz (14-6, 17. minutua). Aldeak bost golera murriztuta, gipuzkoarren hutsartea etorri da (14-9, 19. minutua). Etxekoen erantzuna azkarra izan da eta 18-11 joan dira bi taldeak atsedenaldira.

Aldageletatik bueltan, bidasotarrek ez dute ezustekorik nahi izan, eta hamabi minututan, aldea bederatzi goletara ere eraman dute (25-16, 42. minutua). Valladolideko taldeak azken erreakzioa egiten saiatu da, baina etxekoek, Julen Aginagalde eta Rodrigo Salinas minduta egonik deialditik kanpo, aldeak kudeatzeko aukera izan dute amaierako 33-26ra iritsi arte.

Emaitza honekin, irundarrak berriz ere Ligako bigarren postura igo dira. Bidasotarren hurrengo neurketa larunbatean Huescan izango da, Sacyr ASOBAL Ligako azkenaurreko jardunaldia Bada Huescaren aurka (larunbatak 21, 17:00etan).

Fitxa teknikoa
33 – Bidasoa Irun (18+15). Ledo, Cavero (6, 3 p.), Odriozola (1), Tesoriere (1), Francisco da Silva, García (5), Rodríguez (3); Sierra, Ugarte, Zabala (2), Furundarena (4), Mujika (1), Urruzola, Azkue (3), Nieto (2), Fernández (5).
26 – Recoletas Atlético Valladolid (11+15). Lamariano, Méndez (1), Ramos (2), Patrianova (1), Serrano (7, 4 p.), Miguel Camino (4), Basualdo (4); Pérez, Diego Camino (1), Pérez, Pisonero (2), Alvaro Martínez (2), Rosell, Fischer, García (1), Freitas (1).

Partzialak. 3-3, 7-5, 11-6, 14-9, 16-11, 18-11 (descanso); 21-12, 23-15, 26-17, 29-21, 30-23, 33-26.
Epaileak. Oyarzun Aylagas Eta Zaragueta Ruiz. Bidasotarren aldetik, García zigortu dute bi minutuz.
Bestelakorik. Sacyr ASOBAL Ligako 28. jardunaldia Artalekun 1.112 zaleren aurrean. Neurketa hasi aurretik, Irun’go Atsegiña Elkarteak omenaldia jaso du bere mendeurrenean.