Bidasoa Irunek puntu ederra lortu du etxetik at Fenix Toulouse HBren aurka berdinketa erdietsi ostean izugarrizko neurketa egin eta gero (26-26). Oso ausart eta gazteak gidari, talde irundarrak oso ongi ekin dio neurketari, nahiz eta hurrengo faserako txartela poltsikoan izan. Gipuzkoarrenak izan dira abantaila guztiak 23. minutura arte (10-9), eta lehen zatiko faserik zailenean, jokalari bat gutxiagorekin, 13-10eko markagailua atsedenaldiko 13-12ra eraman dute Julen Mujika eta Tao Gey-Emparanen bi golei esker.
José Manuel Sierraren beste geldialdi baten ostean etorri den Gorka Nietoren gol bati esker bidasotarrek berdinketa lortu arren, tolosarrek neurketa hautsi nahi izan du azkarrean, 3-0 partzial batekin, baina sei minutuko lehortea Dariel Garcíak moztu du (16-14). Lehen zatian gertatutakoaren kontrakoa gertatu da, eta tolosarrek aldea irekitzeko aprobetxatu badute jokalari bat gehiagorekin egotea, gipuzkoarren berdina egin dute, eta Furundarenak 17-18koa jarri du 45. minutua pasata. Hortik aurrera talde gipuzkoarra norgehiagoka barruan hazten jarraitu du, eta azkeneko momentuetan bi goletako errentataz gozatu arren, etxekoek estutu dute, azken segunduan lortu duten berdinketara iritsi arte (26-26).
Bidasoa Irunek deialditik kanpo utzi ditu igandean Santanderrera bertaratzerik izan ez zuten Jon Azkue, Rodrigo Salinas eta Kauldi Odriozola, eta horiekin batera, Julen Aginagalde eta Iñaki Cavero. Gazteen artean, Nieto, Furundarena, Urruzola, Gey-Emparan, Mujika eta Iribarrek jokatu dute.
Bidasotarren hurrengo neurketa igande honetan izango da Irunen, Sacyr ASOBAL Ligako 21. jardunaldia Abanca Ademar Leónen aurka (13:30ean). EHF European League, berriz, hilabete amaieran itzuliko da martxoaren 29an Artalekun, Last 16-ko joaneko neurketarekin.
Fitxa teknikoa
26 – Fenix Toulouse HB (13+13). Lettens, Feutchmann (2), Gilbert (2), Kempf (5), Petterson, Ilic (2, 2 pen.), Abdi; Ferrier, Giraudeau (2), Wagner (3), Balenciaga, Jarry, Borzas (1), Firmese (2), Marmier (5), Vieira (2).
26 – Bidasoa Irun (12+14). Sierra, Ugarte (1), Iribar (2), Zabala (1), Gey-Emparan (1), Furundarena (5), Mujika (4); Ledo, Urruzola, Tesoriere, Francisco da Silva (1), Nieto (3), García (1), Rodríguez (1), Fernández (6, 4 p.).
Partzialak. 1-1, 3-4, 5-7, 8-9, 11-9, 13-12; 16-13, 17-15, 17-18, 21-20, 23-23, 26-26.
Epaileak. Jakub Jerlecki eta Maciej Labun. Etxekoen aldetik, Petterson, Jarry eta Gilbert zigortu dituzte bi minutuz. Bidasoa Irunen aldetik, Tesoriere (2), Urruzola, Ugarte eta Cuétara.
Bestelakorik. EHF European Leagueko Multzo Faseko hamargarren eta azken jardunaldia André Brouat kiroldegian 850 bat zaleren aurrean.
