Bidasoa Irun taldeak Sacyr ASOBAL Ligako beste partida bat jokatuko du ostegun honetan (20.30tan) Recoletas Atletico Valladoliden aurka. Partida, 13. jardunaldiari dagokiona, atzeratu egin behar izan zuten Valladolideko taldean izandako hainbat kasu positiborengatik. Jacobo Cuétara entrenatzailearen arabera “otsaileko helburu desberdinak bete ditugu”, hala nola, Errege Kopako Azken Fasera sailkatzea, Sacyr ASOBAL Kopan sartzea norgehiagoka baten faltan eta EHF European Leagueko 16 onenen artean egotea. “Oso pozik eskubaloiaren une handietan egoteagatik”
Füchse Berlinen aurkako partida eta EHF European Leagueko hurrengo faserako sailkapena atzean utzita, Jacobo Céetarak Recoletas Atletico Valladoliden aurkako neurketaren garrantzia azpimarratu du: “Etxetik kanpoko jardunaldiak lehia garrantzitsuak dira eta, gainera, Sacyr ASOBAL Ligan zaila da puntuak batzea. Ahalik eta gehien emango dugu bi puntuak Irunera eramateko”. Aurkariari dagokionez, aztertzen du “egoera zailean dagoela, jaitsiera postuetan dagoelako, baina taldearen eta jokoaren mailaren arabera gora egingo dute. Intentsitate handienarekin egingo diote aurre, gure bajengatik eta bidaiengatik izan dezakegun higaduragatik irabazteko aukera bat baita haientzat”.
Recoletas Atlético Valladoliden aurkako neurketa 20.30tan hasiko da, eta LaLigaSports TV, Txingudi Irratia eta www.cdbidasoa.eus-en jarraitu ahal izango da.
