Agiri ofiziala: Xoán Ledo Menéndez

Bidasoa Irun taldeko jokalari den Xoán Ledo Menéndezek datorren denboraldian kluba utziko duela jakinarazi du.

Ledo (Lalín, 1996) Galiziako sorterrian hasi zen eskubaloian, eta Artalekura 2017ko udan iritsi zen.

Atezaina urte hartako Munduko Junior Txapelketa irabazita iritsi zen, FC Barcelona B eta BM. Villa de Aranda taldeetatik pasa ondoren.

Azken bost denboraldi hauetan, Ledok 157 norgehiagoka ofizial jokatu ditu Bidasoa Irunekin: Sacyr ASOBAL Ligako 120 neurketa, Sacyr ASOBAL Kopako 5, Errege Kopako 12 eta Europako txapelketetan, beste 20.

Xoán Ledo atezainak ekainean emango dio amaiera Bidasoa Irun taldeko atezain ibilbideari, eta “eskerturik” agertu da den-dena emanda amaitu nahi duen etapari buruz hitz egiterakoan: “Borrokalaria naiz, irabaztea gustatzen zait eta dena emango dut. Pistan nagoen une oro dena emango dut taldeari laguntzeko”.

“21 urte bete berriak nituela iritsi nintzen Irunera, eta eskubaloian jokatzea gustatzen zitzaion mutila nintzela esan nezake, eta orain jokalari profesionala bihurtu naizela uste dut. Konturatu naiz profesionaltasunak eta egin nahi duzun horretan aritzeak zer esan nahi duen”, aitortzen du Ledok bost urteko aro bati buruz, “urte asko dira eta niretzat garrantzitsuak direla, pertsonalki eta kirolean hazi naizelako, eta taldearekin batera hazi naizelako”.

“Emozioz betetzen nau atzera begiratu eta bost urte hauetan zehar gertatutakoak ikusteak. Pena pixka bat sartzen zait joatean, baina erabaki bat hartu behar nuen, ondo zetorkidan talde-aldaketa bat, eta gogo handiz hartzen dut”, dio Ledok, aro garaikideko lehen txapeldunorde izatearen denboraldiko blokea bereziki gogoan duela: “Pentsaezina zen taldea hamargarren postuan geratu ondoren bigarren geratzea hurrengo urtean, baina taldeak bere horretan jarraitu zuen bi urte horietan, eta uste dut zaila izango dela niretzat pertsonalki gainditzea, zein ondo jokatzen genuen, zein ikusgarri sentitzen ginen…”.

Agur esan aurretik geratzen diren hilabeteak ikusita, Ledok argi du: “Borrokalaria naiz, irabaztea gustatzen zait eta dena emango dut pistan nagoen une oro taldeari laguntzeko. Anbizio handikoa dirudi daukagun lehiarekin titulu bat irabazi nahi izateak, baina nik pertsonalki ilusio eta amets gisa daukadan zerbait da, Bidasoarekin titulu bat altxatzea. Badakit baikorregia dirudiela, baina gustatuko litzaidake”.

Eskerrak emateari dagokionez, Ledok eskerrak eman nahi izan dizkie bost urte hauetako “zuzendaritza eta entrenatzaileei, nigan konfiantza izateagatik; medikuei, ni hain ondo zaintzeagatik; fisioei, egunero tratatzeagatik eta pertsona handiak izateagatik; eta zaleei, ni animatzeagatik, laguntzeagatik, talde gisa guztioi laguntzeagatik, beste pista batzuen zaletasun desberdina delako, eta larunbatean bertan, asko eta asko ikusi zelako Iruñean Artaleku zirudiela”, eta nola ez, taldekideei: “Bost urte hauetan, oso talde berezia izan delako”.