VíaIrun eta Bidasoa Irun, elkarrekin

ViaIrunek eta C.D. Bidasoak erdietsi duten akordioa aurkeztu dute ostegun honetan, bi erakundeak batuko dituena. Klubaren lehen taldeak denboraldi berri bat jokatuko du ASOBALen, eta hirugarren urtez jarraian parte hartuko du Europako txapelketetan, eta akordioak Irungo erdigunea eraldatuko duen proiektua Sacyr ASOBAL Ligan eta Europan barrena zabaltzeko lagunduko du.

José Antonio Santano Zaisako presidenteak eta Gurutz Aginagalde C.D. Bidasoako presidenteak parte hartu dute agerraldian, eta gutxienez datozen lau urteetarako sinatutako akordioaren garrantzia azpimarratu dute. Ekitaldian Luis Corta Zaisako gerentea eta Xabier Iridoy, Miren Echeveste eta Mario Palacios kontseilariak ere izan dira, besteak beste. VíaIrun proiektua kudeatzen duen Zaisako presidenteak adierazi duenez, akordioak “oso garrantzitsuak diren bi proiektu lotzea dakar: hiria VíaIrun bidez eraldatzea, eta bestea kirolaren, balioen eta hiriaren erreferentzia bat, C.D. Bidasoa”.

“Proiektua ASOBAL ligan zabaltzeko helburua dugu, noski, baina guretzat potentzia handia duen kakoa Europa da”, gaineratu du Santanok, eta azaldu du helburua dela “batez ere trenbide-erreferentzia diren herrialdeetan ezagutaraztea VíaIrun, non Europako txapelketa jokatuko dugun, eta proiektua nola edo hala Europa osora eramango dugun klubaren, bere balioen eta bere ospearen bidez”.

Gurutz Aginagalde, bestalde, akordioak kluba sendotzeko duen garrantzia aitortu du: “Guretzat beti ohore bat bada Irun hiriaren izena goazen lekura eramatea, eta are ohore handiagoa da hiriarentzat, Gipuzkoarentzat eta Euskadirentzat funtsezkoa den proiektu batekin bat egin eta lagundu ahal izatea, hots, VíaIrunekin, bere izena gu goazen lekura eramatea, bai etxeko txapelketetan, bai Europan”.

Bidasotarren presidentearen arabera, “aliantza honen aukera planteatu zenetik ulertu genuen Bidasoa Irunek plus hori ematen diola, eta orain, Sacyr ASOBAL Ligan parte hartuta, baina baita Europan ere. Hiriarentzat oso garrantzitsua izan da beti Bidasoak, Elgorriagaren
garaitik, Espainiako eskubaloiaren elitean eta Europako txapelketetan parte hartzea.

Urrutiegi joan gabe, aurten 25 urte beteko dira Fótex Veszprem taldearen aurkako Errekopatik. Gako horretan interpretatzen dugu bien helburuak bete nahi dugun VíaIrun eta Bidasoaren arteko lankidetza hori “.

Bien hitzaldien ostean, Reflejo Pilomotor Irungo enpresak egindako akordioari buruzko bideo bat proiektatu da.

VíaIrun, eraldaketa handia
Gaur egun Irunek, Gipuzkoak eta Euskadik duten proiektu eraldatzaileenetako bat da VíaIrungoa, eta XIX. mendearen amaieran bere zabalgunetik Irunera iritsi zenetik Irunek bizi izan duen gizarte eta ekonomia iraultzarik handiena da, trenbidea Irunera iritsi zenean
gertatu zena.

Eraldatu nahi den eemu horretan, trenbide-geltoki berri bat eta hiri-barruti berritzaile bat eraikiko dira, eta, guztira, 65.000 metro koadroko azpiegiturak ezartzea aurreikusten da lehen fasean, honako hauetarako: ezagutzarako, jarduera ekonomiko berritzailerako, eragile teknologikoetarako, hainbat ekipamendutarako, ekintzailetzarako, etxebizitzarako eta merkataritzarako. Eragiketaren lehen faseko inbertsioak 162 milioitara iritsi daitezke.

Iraunkortasuna proiektuaren ardatz nagusietako bat izanik, VíaIrunek Matilde Ucelay saria jaso zuen ekainaren hasieran, hirigintza inklusiboaren eta genero-ikuspegia garapen-kate osoan txertatzearen alde egindako diseinuagatik.