Bidasoa Irunek oso garaipen garrantzitsua lortu du Benidormen (29-31) eta 45 puntura iritsi da sailkapenean, Asobal ligan inoiz lortutako bigarren errentarik altuena. Rodrigo Salinasek erasoan eta Xoan Ledok atepean egindako lanari esker, Irungo taldeak lehen abantailak hartu ditu, baina Alacanteko taldeak lehen partzialera iritsi baino lehen moztu ditu (3-3). Berdinketa hori abiapuntu hartuta, etxekoek 3-0eko partziala lortu du, Bidasoa Irunek golik ez duela sartu probestuta, eta Jacobo Cuétara entrenatzaileak hutsartea eskatu du (9. minutua, 6-3).
Etenaldi horretatik ongi atera da talde horia. Aurkariek bi minutuko zigorra jaso dutela aprobetxatuta, Sergio De la Salud eta Iker Serranok 0-2ko partziala sartu du Bidasoa Irunek, eta kapitainaren beste gol batek berdinketa berrezarri du (15. minutua, 6-6). Julen Aginagaldek arratsaldeko sei goletatik lau gol sartu ditu jarraian, eta 26. minutuko berdinketa kenduta, markagailuan aurretik joan da atsedenaldira arte (13-14).
Bigarren zatiko lehen minutuek goranzko joera sendotu dute, eta 2-6ko partzial batek errentarik handiena zabaltzeko balio izan dio Irungo taldeari (37. minutuan, 15-20) Mikel Zabalak handitu du, Benidormek eskatutako hutsartetik itzuli bezain pronto (39. minutuan, 15-21). Hala ere, Tom Tesorierere eta Julen Aginagalde bi minutuz kaleratuak izan dira ia aldi berean, eta egoera horrek etxekoak hauspotu ditu, neurketa amaierara arte burubelarri jarraituz. Partida amaitzeko bi minutu faltan, gol bakarrera murriztu dute errenta, baina eskuin hegaletik Iñaki Cavero agertu da bidasotarren hiru azken golak sartu eta garaipena borobiltzeko (29-31).
Sacyr Asobal Ligako 29. jardunaldiko garaipen honekin, Bidasoa Irunek bere bigarren markarik onena berdindu du Liga batean, duela bi urteko 30 jardunalditan erdietsitako 45 puntuak.
Irungo taldearen hurrengo partida Artalekun izango da, maiatzaren 5ean, Dicsa Modular Cisne taldearen aurka.
Fitxa teknikoa
29 – BM. Benidorm (13+16). Rodríguez, Oliver (1), Lignieres, Parker (4), Grau, Ivan Rodríguez (3), Folques (4); Terçariol, Porras (3), Rivero, Méndez, Spiljak (2), Feutchmann (4), Nolasco (2), Nikcevic (6, 3 p.), Celjovic.
31 – Bidasoa Irun (14+17). Ledo, Cavero (5), Zabala (1), Serrano (6), Salinas (6, 1 p.), De la Salud (3), Azkue (3); Sierra, Crowley, Racotea (1), Aginagalde (6), Tesoriere, Da Silva, Bonanno.
Partzialak. 3-3, 6-3, 6-7, 8-9, 11-12, 13-14; 15-18, 15-21, 19-23, 20-26, 24-28, 29-31.
Epaileak. Luque Cabrejas eta Arcos Adeva. Etxekoen aldetik, Grau (birritan), Lignieres (birritan) eta Oliver kaleratu dituzte bi minutuz, eta txartel gorria erakutsi diote Lignieresi. Bidasotarren aldetik, Tesoriere (birritan), Racotea, Aginagalde eta Crowley zigortu dituzte bi minutuz.
Bestelakorik. Sacyr ASOBAL Ligako 29. jardunaldia, Palau d’Esports l’Illa de Benidorm kiroldegian, 200 ikusleren aurrean.
