Nicolás Bonanno Bidasoa Iruneko ezker albokoa deitu du Argentinak urtarrilaren 14an Egipton hasiko den Munduko Koparako. Dei honekin, Bonanno Egiptoko Munduko Koparako dei ofiziala jasotzen duen lehen jokalari bidasotarra da.
Manuel Cadenasek zuzentzen duen taldeak Erdialdeko-Hego Amerikako txapelketa irabazi ostean lortu du hamairugarrenez Munduko Koparako txartela eta D multzoan kokatuta dago, Danimarka, Bahrain eta Kongoko Errepublika Demokratikoarekin batera. Lehen faseko ordutegia honako hau da:
- Argentina – Kongoko Errepublika Demokratikoa (urtarrilak 15, ostirala, 18:00etan).
- Argentina – Bahrain (urtarrilak 17, igandea, 18:00etan).
- Danimarka – Argentina (urtarrilak 19, asteartea, 20:30ean).
