Bidasoa Iruneko entrenatzaileak, Jacobo Cuétarak, “erronka gogorra” espero du Balonmano Benidormen aurka. Neurketa astearte honetan 18:30ean Artalekun jokatuko da, ateak itxita. Entrenatzaile irundarrak talde osoa bere esanetara espero du txapelketako azken fase honi amaiera emateko.
Larunbateko partidaz galdetuta, Cuétara mintzo aritu da: “Ez gaude pozik, ez genuen ongi jokatu eta jokoaren faseetan ez genuen orekarik mantendu. Alde nabarmena egon zen bi taldeen artean behar denean asmatu edo ez. Hau izan ditugun hiru porrotetatik bitan gertatu zaigu, Nexeren aurka Kroazian eta joan den larunbatean. Jaurtiketa askotan ez ginen fin ibili, atean ere ez genuen baloirik gelditu eta ohikoa ez den bezala, baloi asko galdu genituen”.
Jokoaren hainbeste fase maila baxuan edukita, Bidasoa Iruneko entrenatzaileak “oreka fase guztietan berrekuratzea” beharrezkoa uste du, “garrantzitsuak izan daitezkeen faktore guztietan. Ezin du geldiketarik gabeko edo mila jaurtiketa oker egiten ditugun neurketa izan. Taldearen ezaugarrietako bat sendotasuna da”.
“Ikusiko dugu zein den eman dezakegun maila eta, batez ere, jokoaren faseen arteko oreka, ez dadila horietako bat hondoratu”, adierazi du Cuétarak. Bere ustez, “fase horietako bat oso baxu izanda ere, irabaz dezakegu; baina bi edo gehiago badira, arazoak izaten ditugu”.
Taldea Benidorm momentu onean ikusten du: “Hiru garaipen lortu dituzte azken lau neurketetan, eta galdutakoa, Logroñoren aurka izan zen, egun sasoi betean dagoen taldea. Partida gogorra dugu aurretik, euren jokatzeko modua ez datorkigu bereziki ongi, arazoak sortzen dizkigu… Ikusiko dugu nola gauden, Azkue bezalako jokalariak bueltan daude eta erritmoa hartzen pixkanaka, ea Racoteak sartzerik duen…”.
Azken porrotek utzi duten zaporeaz galdetuta, Cuétarak “normaltzat hartzeko” deia egin du: “Aldagelan, soldata jokoan dugunok, ez diogu hainbesteko dramatismorik ematen, bestela, ezingo ginateke ibili”.
“Paradoxa da neurri batean: oso positiboa den zerbaitetik, gero eta neurketa gutxiago galtzea, porrota datorrenean handiesten dugu. Gehiago galtzen genuenean ez genion porrot bakoitzari hainbesteko garrantzirik ematen”, adierazi du entrenatzaileak, bere hausnarketa Puente Genileko “neurketa txar” hartatik haratago eraman nahian.
“Analisietan beti jartzen dugu geure burua erdian, onerako irabazten dugunean eta txarrerako, galtzen dugunean; bai geuk, bai zuek”, esan die kazetariei. Cuétararentzat, enfoke hau ona da: “Klub handia garen seinale, ez dugu aitzakiarik jartzen, baina horrek ere bere gauza txarrak baditu, galtzen duzunean,norbanakoaren porrotera eraman zaitzake eta, beti zure erruagatik galtzen duzula pentsatzen baituzu”..
“Ez, areriak ere jokatzen du, eta ongi joka dezake onak direlako, epaileek ere baldintza zaitzake, bidaiak, zortea… Guk ez ditugu faktore hauek sartzen analisietan, eta ona dela uste dut. Irabazteko zer egin dugun eta galtzen badugu, zer egin dugun gaizki aztertzen dugu, baina kontuz ibili behar gara beti geure burua jomugan jarrita”.
Are gehiago aurten dugun Liga ikusita: “ASOBAL Sacyr Liga da, eta geuk gal dezakegun moduan, arerioek ere galdu egiten dute: guk baino partida gehiago galdu dituzte. ASOBAL Liga bezalako txapelketa bati eta beste taldeei ezin diegu errespeturik galdu. Akats hori egiten dugu. Irabazteak ez du esan nahi besteak txarrak direnik; onak dira, zergatik? Gu mendean hartzen gaituztelako ongi ez badugu jokatzen, eta gure arerioak ere mendean hartzen dituztelako”.
